Gu urduñarrak! Gu euskaldun txikiak!

Urduñara joan ginen, Urduña LHI Ikastetxera. Txikiak galdera zailak erantzun zituzten, lehenik urduriz, baina azkenean askoz lasaiago, profesionalak bezala. Badakizue non egongo diren miloi urte barru? Ikusi urduñar txikien elkarrizketa eta beraien iritzia jakin ahal izango duzue.

Herri polit hau bisitatzen ere egon ginen eta gure umeei gehien gustatzen zaizkien lekuak ikusi genituen. Urduñak eskaintzen zigun naturaz gozatu genuen eta begi  errugabeagoekin herria ikusi ahal izan genuen.

YouTube Preview Image

Mila esker herriko biztanleei eta Urduñako Lehen Hezkuntza Ikastolako zuzendari eta irakasleei proiektua onartu eta bertan parte hartzeagatik. Gure eskerrik bereziena elkarrizketa maitagarri honetako gure sei protagonistei Ismael, Alaia, June, Unax, Alazne eta Yassir. Aupa urduñarrak! Aupa euskaldun txikiak!

ismaeletaalaiabuenasaietazazpibuenaalazneetayasidbuena

Gu leioaztarrak! Gu euskaldun txikiak!

Leioara joan ginen, Altzaga eskolara. Sarreran argazki eta marrazki pila eta ederrak ikusi ahal izan nituen horma-irudiz beterik dagoen eskola baita. Sei ikasleekin musika gelan elkartu ginen eta bertan egin genuen bideorako elkarrizketa. Motza egin zitzaigun oso ikasle jator eta alaiak izan zirelako eta giro ederra izan genuelako. Ondoren herritik ibili ginen, herri polita eta bizia da Leioa.

Mila esker gure proiektua onartu duten Edurne ikasketa-buruari, Joxerra zuzendariari eta beste irakasleei. Gure eskerrik beroena gure sei protagonistei: Lucía, Jokin, Yuri, Eneko, Maider eta Sendoa. Aupa leioaztarrak!

Jokin eta LuciaSendoa eta MaiderEneko eta YuriUdaletxea eta elizaLeioako enparantzaLeioako ahateak

Ni Euskalduna Facebook-en

Ni Euskalduna Metroo-n

Gu zarauztarrak! Gu euskaldun txikiak!

Zarautzera joan ginen, Orokieta eskolara. Txikiak urdurik etorri zitzaizkigun, baina laster kameraren aurrean jolasten hasi ziren eta mikrofonoarekin ere jolasten egon ziren. Breakdance erakusketa eta guzti egin ziguten! Eta noski, egindako galdera guztiak ederto erantzun zituzten, umorez eta ilusioz.

Goizean, herria bisitatzen egon ginen. Herriko alde zaharretik abiatu ginen hondartzaraino. Eta ondoren hondartzatik ikastolarako bidea egin genuen. Herri polita eta lasaia da Zarautz. Harriturik geratu ginen jende guztia bizikletan ibiltzen ikustean! Jende osasuntsua bizi da bertan!

Mila esker gure proiektua onartu duen Orokieta Ikastolari eta bertako zuzendariari eta irakasleei. Gure eskerrik bereziena gure sei protagonistei: Lehen mailako Leanna eta Iraitz; bigarren mailako Ekhi eta Itziar; eta hirugarren mailako Nahia eta Anuk. Aupa zuek!

Ni Euskalduna Facebook-en

Ni Euskalduna Metroo-n

Gu zarauztarrak! Leanna eta Iraitz Gu zarauztarrak! Nahia eta Anuk Gu zarauztarrak! Itziar eta Ekhi Gu zarauztarrak! ikurriña Gu zarauztarrak

Gu durangarrak! Gu euskaldun txikiak!

Durangora joan ginen, San Jose Jesuitak ikastetxera. Bideoa egin ahal izateko kamera eta mikrofonoa jartzen genuen bitartean, irakasleak ikasleentzako gozokiak ekarri zituen. Horrela, urduritasun guztiak desagertu egin ziren eta elkarrizketarekin hasi ginen. Era guztietako erantzunak eman zizkiguten eta elkarrekin barre egin genuen.

Durango bisitatzen ere egon ginen. Hain polita da Durango! Mendien artean dagoen herria, erreka gurutzatzen duena, eraikin zaharrak eta ederrak dituena! Gainera kalean zehar jende guztiak euskeraz mintzatzen entzun genuen. Inolako dudarik gabe, herri euskalduna da Durango.

Eskerrik asko San Jose Jesuitak ikastetxeari gure proiektua onartu eta parte hartzera animatzeagatik! Mila esker ere irakasleei eta eskolako arduradun guztiei. Eta gure eskerrik beroena eta bereziena gure sei ikasle gozozaleei: Telmo, Katalin, Nerea, Loiola, Paule eta Mikel.

Ni Euskalduna Facebook-en

Ni Euskalduna Metroo-n

Durango gu euskaldun txikiak REDUCIDOtelmo y katalin REDUCIDOmikel y paule REDUCIDO Loiola ta Nerea REDUCIDODurangoo REDUCIDOdurango rio REDUCIDOsan jose jesuitak ikastetxea REDUCIDOerrekako etxea REDUCIDO

Gu zornotzarrak! Gu euskaldun txikiak!

Zornotzara joan ginen, Larrea Ikastolara. Primeran pasa genuen lehenengo, bigarren eta hirugarren mailako ikasleekin. Ederto portatu ziren eta oso ondo erantzun zuten egindako galdera guztiei. Herria ere bisitatzen egon ginen eta giro ederra somatu genuen. Herri polita, lasaia eta familiarra da Zornotza.

Eskerrik asko gure proiektua onartu duten Zornotzako auzokide guztioi. Larrea ikastolako irakasleei, ikasketa buruari eta zuzendariari. Eta noski, gure sei protagonistei ere bai: Alazne, Manex, Iraia, Enaitz, Ibane eta Lander.

Manex eta AlazneLander eta IbaneEnaitz eta IraiaZornotzako elizaZornotzako udaletxea

Ni euskalduna Facebook-en

Ni euskalduna Metroo-n