05
Mai 15

Gu zarauztarrak! Gu euskaldun txikiak!

Zarautzera joan ginen, Orokieta eskolara. Txikiak urdurik etorri zitzaizkigun, baina laster kameraren aurrean jolasten hasi ziren eta mikrofonoarekin ere jolasten egon ziren. Breakdance erakusketa eta guzti egin ziguten! Eta noski, egindako galdera guztiak ederto erantzun zituzten, umorez eta ilusioz.

Goizean, herria bisitatzen egon ginen. Herriko alde zaharretik abiatu ginen hondartzaraino. Eta ondoren hondartzatik ikastolarako bidea egin genuen. Herri polita eta lasaia da Zarautz. Harriturik geratu ginen jende guztia bizikletan ibiltzen ikustean! Jende osasuntsua bizi da bertan!

Mila esker gure proiektua onartu duen Orokieta Ikastolari eta bertako zuzendariari eta irakasleei. Gure eskerrik bereziena gure sei protagonistei: Lehen mailako Leanna eta Iraitz; bigarren mailako Ekhi eta Itziar; eta hirugarren mailako Nahia eta Anuk. Aupa zuek!

Ni Euskalduna Facebook-en

Ni Euskalduna Metroo-n

Gu zarauztarrak! Leanna eta Iraitz Gu zarauztarrak! Nahia eta Anuk Gu zarauztarrak! Itziar eta Ekhi Gu zarauztarrak! ikurriña Gu zarauztarrak


21
Api 15

Gu durangarrak! Gu euskaldun txikiak!

Durangora joan ginen, San Jose Jesuitak ikastetxera. Bideoa egin ahal izateko kamera eta mikrofonoa jartzen genuen bitartean, irakasleak ikasleentzako gozokiak ekarri zituen. Horrela, urduritasun guztiak desagertu egin ziren eta elkarrizketarekin hasi ginen. Era guztietako erantzunak eman zizkiguten eta elkarrekin barre egin genuen.

Durango bisitatzen ere egon ginen. Hain polita da Durango! Mendien artean dagoen herria, erreka gurutzatzen duena, eraikin zaharrak eta ederrak dituena! Gainera kalean zehar jende guztiak euskeraz mintzatzen entzun genuen. Inolako dudarik gabe, herri euskalduna da Durango.

Eskerrik asko San Jose Jesuitak ikastetxeari gure proiektua onartu eta parte hartzera animatzeagatik! Mila esker ere irakasleei eta eskolako arduradun guztiei. Eta gure eskerrik beroena eta bereziena gure sei ikasle gozozaleei: Telmo, Katalin, Nerea, Loiola, Paule eta Mikel.

Ni Euskalduna Facebook-en

Ni Euskalduna Metroo-n

Durango gu euskaldun txikiak REDUCIDOtelmo y katalin REDUCIDOmikel y paule REDUCIDO Loiola ta Nerea REDUCIDODurangoo REDUCIDOdurango rio REDUCIDOsan jose jesuitak ikastetxea REDUCIDOerrekako etxea REDUCIDO


14
Api 15

Gu zornotzarrak! Gu euskaldun txikiak!

Zornotzara joan ginen, Larrea Ikastolara. Primeran pasa genuen lehenengo, bigarren eta hirugarren mailako ikasleekin. Ederto portatu ziren eta oso ondo erantzun zuten egindako galdera guztiei. Herria ere bisitatzen egon ginen eta giro ederra somatu genuen. Herri polita, lasaia eta familiarra da Zornotza.

Eskerrik asko gure proiektua onartu duten Zornotzako auzokide guztioi. Larrea ikastolako irakasleei, ikasketa buruari eta zuzendariari. Eta noski, gure sei protagonistei ere bai: Alazne, Manex, Iraia, Enaitz, Ibane eta Lander.

Manex eta AlazneLander eta IbaneEnaitz eta IraiaZornotzako elizaZornotzako udaletxea

Ni euskalduna Facebook-en

Ni euskalduna Metroo-n

 

 


07
Urr 13

Ni Euskalduna! Ni Aranztarra!

Arantza, mendi tartean galduta dagoen herri txiki, polit eta euskalduna.

Aranztarrak, itxiak direla diote… nik behintzat ez nuen halakorik ikusi! Bertara iritsi eta herritik bueltatxo bat ematera joan nintzenean, aurkitzen nituen pertsona guztiak irribarre bat oparitzen zidaten. Eta Kontxi, Anttoni, MªJosefa eta Gabi aurkitu nituenean berdin.

YouTube Preview Image

Kontxiren baserrian grabatu genuen elkarrizketa, eta garaiko gauza pila kontatu zizkidaten, kontrabandoa, frankismo garaia, Don Esteban famatua… Bortzirietako zein herrirekin dute erlazio hobeagoa aranztarrek? Eta zeinekin dute pike-sano bat?

Benetan ondo pasatu nuen elkarrizketa egiten, eta gainera bukatzerakoan bizkotxo ederra eta goxo-goxoa probatzeko aukera izan nuen. Kontxik egina. Oso oso goxoa.

Mila esker Gabi, egin duzun lan handiarengatik, Anttoni, Kontxi, MªJosefa eta Bortzirietako Euskara Mankomunitateari!

Ni Euskalduna Facebook-en
http://nieuskalduna.metroo.es
-ren bidez


16
Ira 13

Ni Euskalduna! Ni Baionarra!

Berriz ere Iparralderuntz jo nuen. Oraingo honetan Baionara, eta “Bar du Merché” ostatura zuzen-zuzenean. Bertan Josephine Dit Josetterekin hitzordua nuen. Baionako Gaztetxeak lagunduta aurkitu genuen baionar euskalduna.

YouTube Preview Image

Bere ostatuan Josetteren semea ezagutu nuen eta 20 urte barru, bueltatu eta berari elkarrizketa egingo diodala zin egin nion. 20 urtetan asko aldatuko ote da Baiona?
Josettek behintzat azken urte hauetan Baiona asko aldatu dela dio, bai.

Herri txikia eta uste nuen baino euskaldunagoa. Iparraldeko euskaldunak beti aho bete hortz uzten naute euskararengatik egiten dutena ikusita.

Elkarrizketa amaitu eta Baiona ezagutzeko bueltatxo bat eman nuen herritik. Benetan maitemindu ninduen Katedrala eta alde zaharreko kaleak ere bai.

Mila esker Josette eta Baionako Gaztetxeari!

Ni Euskalduna Facebook-en
http://nieuskalduna.metroo.es
-ren bidez