07
Urr 13

Ni Euskalduna! Ni Aranztarra!

Arantza, mendi tartean galduta dagoen herri txiki, polit eta euskalduna.

Aranztarrak, itxiak direla diote… nik behintzat ez nuen halakorik ikusi! Bertara iritsi eta herritik bueltatxo bat ematera joan nintzenean, aurkitzen nituen pertsona guztiak irribarre bat oparitzen zidaten. Eta Kontxi, Anttoni, MªJosefa eta Gabi aurkitu nituenean berdin.

YouTube Preview Image

Kontxiren baserrian grabatu genuen elkarrizketa, eta garaiko gauza pila kontatu zizkidaten, kontrabandoa, frankismo garaia, Don Esteban famatua… Bortzirietako zein herrirekin dute erlazio hobeagoa aranztarrek? Eta zeinekin dute pike-sano bat?

Benetan ondo pasatu nuen elkarrizketa egiten, eta gainera bukatzerakoan bizkotxo ederra eta goxo-goxoa probatzeko aukera izan nuen. Kontxik egina. Oso oso goxoa.

Mila esker Gabi, egin duzun lan handiarengatik, Anttoni, Kontxi, MªJosefa eta Bortzirietako Euskara Mankomunitateari!

Ni Euskalduna Facebook-en
http://nieuskalduna.metroo.es
-ren bidez


16
Ira 13

Ni Euskalduna! Ni Baionarra!

Berriz ere Iparralderuntz jo nuen. Oraingo honetan Baionara, eta “Bar du Merché” ostatura zuzen-zuzenean. Bertan Josephine Dit Josetterekin hitzordua nuen. Baionako Gaztetxeak lagunduta aurkitu genuen baionar euskalduna.

YouTube Preview Image

Bere ostatuan Josetteren semea ezagutu nuen eta 20 urte barru, bueltatu eta berari elkarrizketa egingo diodala zin egin nion. 20 urtetan asko aldatuko ote da Baiona?
Josettek behintzat azken urte hauetan Baiona asko aldatu dela dio, bai.

Herri txikia eta uste nuen baino euskaldunagoa. Iparraldeko euskaldunak beti aho bete hortz uzten naute euskararengatik egiten dutena ikusita.

Elkarrizketa amaitu eta Baiona ezagutzeko bueltatxo bat eman nuen herritik. Benetan maitemindu ninduen Katedrala eta alde zaharreko kaleak ere bai.

Mila esker Josette eta Baionako Gaztetxeari!

Ni Euskalduna Facebook-en
http://nieuskalduna.metroo.es
-ren bidez


10
Ira 13

Ni Euskalduna! Ni Ondarrutarra!

Hizkuntza propioa duen herria: Ondarru!
Kostatu zitzaidan bai, “Andresanueku”, “Txan” eta “Morga”k esaten zutena ulertzen, baina eurek egindako esfortzuekin oso gustura egon ginen laurok elkarrizketan.

YouTube Preview Image

 

Egia ote da ondarrutarrei buruz esaten dutena? Eskuzabalak direla. Ba nire ustez egi osoa da. Benetan ondo hartu ninduten euren artean.

Gerra zibilaz hitz egin genuen, garaian Ondarroan zeuden fabrikei buruz, abestiei buruz, eta elkarrizketa amaitzeko Ondarroako abestirik famatuenetariko bat abestu zuten: Boga-boga! Itzela!

Ba al dakizute noiz hasi zen Patxi, gure elkarrizketatua, makarroiak jaten? Bideoan berak kontatzen digu. Zer da Ondarroako gauzarik bereziena? Nondik dator lekeitiarrekin duten pike-sano hori? Erantzun hauek eta beste gauza interesgarri pila Ni Ondarrutarra! bideoan.

Mila esker Patxi, Belen, Pedro, Gotzon eta Ondarroako Udalari!

Ni Euskalduna Facebook-en
http://nieuskalduna.metroo.es
-ren bidez


02
Ira 13

Ni Euskalduna! Ni Errezildarra!

Nekazaritza zen Errezilgo bizimodua Jose Ignazio Azpilaga jaio zenean. Gerra garaia eta gerra ondorengoa bizi izan zuen bere txikiaroan.

Imaginatzen al duzue nolakoa zen gerra ostea Errezilen? Jose Ignaziok zerbait kontatzen digu elkarrizketan.

YouTube Preview Image

Gaur egun Udaletxea den tokian eskola zegoela, eta garaiko Udala zena, gaur herriak duen taberna bakarra dagoela. Errezil ez da herri handia, baina euskalduna da oso. Eta bai garaian eta bai gaur egun euskaraz hitz egiten dute; bertako euskara. Eta zerk egiten du Errezilgo euskara berezia?

Errezilen badaude gauza bereziak, hitz egiteko eraz aparte, eta Jose Ignaziok pare batzuk azaltzen dizkigu elkarrizketan.

Benetan herri txiki eta polita, inguru ederrarekin eta biztanle jator-jatorrekin!

Mila esker Jose Ignazio Azpilaga eta Errezilgo Udalari!

Ni Euskalduna Facebook-en
http://nieuskalduna.metroo.es
-ren bidez


26
Abu 13

Ni Euskalduna! Ni Oriotarra!

Orion,  MªCarmen Erkizia, Jose Manuel Arrilaga, MªFelixa Ibirriaga eta Txomin Iribar aurkitu nituen. Txomin ez da oriotarra jaiotzetik, baina bertan geratu zen bizitzen. Bere hitzetan oriotarrak oso jatorrak dira, eta hala zela azaldu zidaten MªCarmen, Jose Manuel eta MªFelixak.

YouTube Preview Image

Ordu eta erdi luze egon ginen hizketan laurok, eta Orio pixka bat gehiago ezagutzen lagundu zidaten. Euren gaztearotik herria asko aldatu da, hondartza, autopista, eliza

Baina zer da Orion urteetan zehar aldatu ez dena? Arraunlaritzarekin duen maitasuna! Garaian eta gaur egun ere estropadak sakratuak dira.

Zein da Orioko hizkuntza nagusia? Eta zer nolako erlazioa dute inguruko herriekiko? GetariaZarautzAia

Mila esker MªCarmen Erkizia, Jose Manuel Arrilaga, MªFelixa Ibirriaga, Txomin Iribar eta Orioko Udalari!

Ni Euskalduna Facebook-en
http://nieuskalduna.metroo.es
-ren bidez