05
Mai 15

Gu zarauztarrak! Gu euskaldun txikiak!

Zarautzera joan ginen, Orokieta eskolara. Txikiak urdurik etorri zitzaizkigun, baina laster kameraren aurrean jolasten hasi ziren eta mikrofonoarekin ere jolasten egon ziren. Breakdance erakusketa eta guzti egin ziguten! Eta noski, egindako galdera guztiak ederto erantzun zituzten, umorez eta ilusioz.

Goizean, herria bisitatzen egon ginen. Herriko alde zaharretik abiatu ginen hondartzaraino. Eta ondoren hondartzatik ikastolarako bidea egin genuen. Herri polita eta lasaia da Zarautz. Harriturik geratu ginen jende guztia bizikletan ibiltzen ikustean! Jende osasuntsua bizi da bertan!

Mila esker gure proiektua onartu duen Orokieta Ikastolari eta bertako zuzendariari eta irakasleei. Gure eskerrik bereziena gure sei protagonistei: Lehen mailako Leanna eta Iraitz; bigarren mailako Ekhi eta Itziar; eta hirugarren mailako Nahia eta Anuk. Aupa zuek!

Ni Euskalduna Facebook-en

Ni Euskalduna Metroo-n

Gu zarauztarrak! Leanna eta Iraitz Gu zarauztarrak! Nahia eta Anuk Gu zarauztarrak! Itziar eta Ekhi Gu zarauztarrak! ikurriña Gu zarauztarrak


02
Ira 13

Ni Euskalduna! Ni Errezildarra!

Nekazaritza zen Errezilgo bizimodua Jose Ignazio Azpilaga jaio zenean. Gerra garaia eta gerra ondorengoa bizi izan zuen bere txikiaroan.

Imaginatzen al duzue nolakoa zen gerra ostea Errezilen? Jose Ignaziok zerbait kontatzen digu elkarrizketan.

YouTube Preview Image

Gaur egun Udaletxea den tokian eskola zegoela, eta garaiko Udala zena, gaur herriak duen taberna bakarra dagoela. Errezil ez da herri handia, baina euskalduna da oso. Eta bai garaian eta bai gaur egun euskaraz hitz egiten dute; bertako euskara. Eta zerk egiten du Errezilgo euskara berezia?

Errezilen badaude gauza bereziak, hitz egiteko eraz aparte, eta Jose Ignaziok pare batzuk azaltzen dizkigu elkarrizketan.

Benetan herri txiki eta polita, inguru ederrarekin eta biztanle jator-jatorrekin!

Mila esker Jose Ignazio Azpilaga eta Errezilgo Udalari!

Ni Euskalduna Facebook-en
http://nieuskalduna.metroo.es
-ren bidez


26
Abu 13

Ni Euskalduna! Ni Oriotarra!

Orion,  MªCarmen Erkizia, Jose Manuel Arrilaga, MªFelixa Ibirriaga eta Txomin Iribar aurkitu nituen. Txomin ez da oriotarra jaiotzetik, baina bertan geratu zen bizitzen. Bere hitzetan oriotarrak oso jatorrak dira, eta hala zela azaldu zidaten MªCarmen, Jose Manuel eta MªFelixak.

YouTube Preview Image

Ordu eta erdi luze egon ginen hizketan laurok, eta Orio pixka bat gehiago ezagutzen lagundu zidaten. Euren gaztearotik herria asko aldatu da, hondartza, autopista, eliza

Baina zer da Orion urteetan zehar aldatu ez dena? Arraunlaritzarekin duen maitasuna! Garaian eta gaur egun ere estropadak sakratuak dira.

Zein da Orioko hizkuntza nagusia? Eta zer nolako erlazioa dute inguruko herriekiko? GetariaZarautzAia

Mila esker MªCarmen Erkizia, Jose Manuel Arrilaga, MªFelixa Ibirriaga, Txomin Iribar eta Orioko Udalari!

Ni Euskalduna Facebook-en
http://nieuskalduna.metroo.es
-ren bidez


29
Uzt 13

Ni Euskalduna! Ni Aiarra!

Jose Mari Lertxundi, aiarra peto-petoa!

Aian izugarriak bizi izan zituen gerra ostean, eta horretaz hitz egiten duenean emozioz betetzen zaizkio begian.
Baina nahiz eta begiak malkoz beterik izan, hunkipenez hitz eten batzuk ahoskatu zizkigun bere herriarik buruz: Aia.

YouTube Preview Image

Asko aldatu da Aia azken urteotan, eta Jose Marik aldaketa guzti horiei buruz hitz egin zigun bere etxean. Ba al zenekite Aiako emakumeak oso famtuak izan zirela sukaldaritzan oso trebeak zirelako? Eta zein da Pagoeta parke naturaleren garrantzia Aian?

Oriorekiko erlazioa gaur egun ona dela dio Jose Marik, baina garaina izan zituzten liskarrak gogoratzean, begiak malkoz betetzen zitzaizkion. Zergatik izan zituzten liskarrak Oriok eta Aiak?

Mila esker Jose Mari Lertxundi, Estibaliz Lizarreta eta Aiako Udalari!

Ni Euskalduna Facebook-en
http://nieuskalduna.metroo.es
-ren bidez


01
Uzt 13

Ni Euskalduna! Ni Ordiziarra!

Ordizian Tere Ormazabalek hartu ninduen bere betiko etxean. Benetako ordiziarra. Bertan jaioa eta bertan bere bizitza pasatakoa.

Industriaren eta tailer txikien garrantzia azaldu zidan. Ordizia eta Beasainen arteko “pike-sano” hori, Ordiziako festak eta jai nagusietan egiten den danborradaren berri eman zidan.

YouTube Preview Image

Zein zen Ordiziako hizkuntza nagusia? Garaian gaztelera, dudarik gabe. Gaur egun gauzak aldatu dira eta jende askok daki euskaraz, baina jakitea eta erabiltzea  gauza ezberdinak dira…

Zein da Martinez tabernaren berezitasuna? Eta zeintzuk dira Ordizian aurki ditzakegun eraikin garrantzitsuenak?
Feriak oso gauza garrantzisuak dira, baina ez Ordiziarako bakarrik, Gipuzkoa osorako ere garrantzitsuak dira Ordizian egiten diren feriak. Zergatik?

Terek oso ondo azaltzen digu guzti hau bideoan.

Mila esker Tere Ormazabal eta Iñaki Ormazabal!

Ni Euskalduna Facebook-en
http://nieuskalduna.metroo.es
-ren bidez