21
Api 15

Gu durangarrak! Gu euskaldun txikiak!

Durangora joan ginen, San Jose Jesuitak ikastetxera. Bideoa egin ahal izateko kamera eta mikrofonoa jartzen genuen bitartean, irakasleak ikasleentzako gozokiak ekarri zituen. Horrela, urduritasun guztiak desagertu egin ziren eta elkarrizketarekin hasi ginen. Era guztietako erantzunak eman zizkiguten eta elkarrekin barre egin genuen.

Durango bisitatzen ere egon ginen. Hain polita da Durango! Mendien artean dagoen herria, erreka gurutzatzen duena, eraikin zaharrak eta ederrak dituena! Gainera kalean zehar jende guztiak euskeraz mintzatzen entzun genuen. Inolako dudarik gabe, herri euskalduna da Durango.

Eskerrik asko San Jose Jesuitak ikastetxeari gure proiektua onartu eta parte hartzera animatzeagatik! Mila esker ere irakasleei eta eskolako arduradun guztiei. Eta gure eskerrik beroena eta bereziena gure sei ikasle gozozaleei: Telmo, Katalin, Nerea, Loiola, Paule eta Mikel.

Ni Euskalduna Facebook-en

Ni Euskalduna Metroo-n

Durango gu euskaldun txikiak REDUCIDOtelmo y katalin REDUCIDOmikel y paule REDUCIDO Loiola ta Nerea REDUCIDODurangoo REDUCIDOdurango rio REDUCIDOsan jose jesuitak ikastetxea REDUCIDOerrekako etxea REDUCIDO


14
Eka 13

Mila esker!

Orain dela egun batzu, Josetxuren deia jaso genuen. Deiak egiten zuen sari-banaketan, “errebelazio bloga” saria jasotzeko hautatuak geundela esan zigun. A ze ilusioa! Egiten dugun lanak esker ona jasotzeak… benetan ilusio handiz hartu genuen hautapen hori!
Eta atzo izan zen sari-banaketa, Bilbon, Bbk aretoan.
Oso interesgarria izan zen ekitaldi guztia eta Enrique Dans-en hitzaldia.

Eta azkenean sari-banaketa hasi zen. “Errebelazio bloga”k lau izendatu zituen:

‘Txiki Xake’:http://blogs.deia.com/ajedreztxiki/

 ‘El audímetro’:http://blogs.deia.com/elaudimetro/         

‘Correr no es de cobardes’:http://blogs.deia.com/corrernoesdecobardes/

Eta Ni Euskalduna!

YouTube Preview Image

Saria guri eman ziguten, baina beste hiruak ere oso blog onak dira! Beraz haiei ere Zorionak!!
Susana Martin Somozak, gure lankideak, jaso zuen saria Bigen Zupiriaren eskutik.

Benetan mila-mila esker Deiari, emandako konfiantzarengatik eta gure lana saritzeagatik!

 


09
Mar 12

Ni Euskalduna! Ni Lekittarra!

Nahiz eta bide zantarrak eduki, Lekeitiora iristea lortu nuen eta han neuzkan, Rufina eta Nere Jubilatuen Etxearen atean nire zain.
Frankismoa lehenengo pertsonan bizi izan zuten lekeitiar hauek, aita urrun izan zuten, euren aitek ihes egin behar baitzuten. Rufinak eskolan ez zuen besoa altxatezen “cara al sol” abesterakoan, guardia zibilarekiko erlazioa, antzarren inguruko eztabaidaz hitz egin eta iritzia eman, eta beste mila istorio kontatu zizkidaten.
YouTube Preview Image

Benetan maitemindu ninduen herri arrantzale eta euskalduna.
Mila esker Rufina Goenaga, Nere Garabila, Ikerne Anzola, Iñaki Murua eta Lekeitioko Zaharren Egoitzari.


17
Ots 12

Ni euskalduna! Ni Fruiztarra!

“Ba al zenekien Fruizen palazio eder bat egon zela?” galdetzen digu Lucio Mallonak. Bere etxe propioan hartu gintuen Fruizko betiko bizitza kontatzeko:

Fruizko etxeetan urik ez zegoela, ama eta aita baserrian lagundu behar ez zuenean eskolara joaten zela, eskua altxata Francoren garaiko saludoa eginez eskolan sartu behar zela, eskolan ere euskeraz hitzegiten zutela beste Euskal Herriko herrietan ez bezela, Fruizen garaian zegoen denda eta taberna bakarra zela….

YouTube Preview Image

Horrelakoak eta gauza gehiago jakin nahi ez gero, Lucio Mallonak kontatzen dizkigun istorioetan murgil zaitez!

http://nieuskalduna.metroo.es -ren bidez.


10
Ots 12

Gu Euskaldunak! Gu Iurretarrak!

“Sokan, txantxurrike, kilibi-kalaban…jolasten ginen”. Lehen baino lasaiago bizi direla diote Mertxe Bajo, Dominga Zuazartazar eta Miren Bikandi Iurretarrak.
Iurretako bizitza nolakoa zen eta zertan aldatu den kontatzen digute: abadetxea erre zela, baserriko bizitza, Durangoko plazako salmentak, Iurretan zegoen denda, Mariana zela taberna eta posada bakarra,  San Migelak Iurretako festa nagusiak inguruko herrietan oso famatuak direla eta gauza interesgarri gehiago kontatzen dizkigute iurretar amama jator hauek:
YouTube Preview Image
Milesker hirurei Iurretako zaharren egoitzari!
http://nieuskalduna.metroo.es-ren bidez